ឯកឧត្តម អ៊ុ សារឹទ្ធ អញ្ជើញចូលរួមកិច្ចប្រជុំគណៈកម្មាធិការប្រតិបត្តិនៃសភាប្រើភាសាបារាំង APF តាមប្រព័ន្ធនិម្មិត
នាយប់ថ្ងៃចន្ទ ៤កើត ខែមិគសិរ ឆ្នាំម្សាញ់ សប្ដស័ក ពុទ្ធសករាជ ២៥៦៩ ត្រូវនឹងថ្ងៃទី២៤ ខែវិច្ឆិកា ឆ្នាំ២០២៥ វេលាម៉ោង ២០:០០ នាទី ដល់ម៉ោង ២២:១៥ នាទី ឯកឧត្តម អ៊ុ សារឹទ្ធ ប្រធានគណៈកម្មការទី៩នៃព្រឹទ្ធសភា និងជាអនុប្រធានក្រុមសមាជិកព្រឹទ្ធសភា នៃព្រះរាជាណាចក្រកម្ពុជា ទទួលបន្ទុកសហប្រតិបត្តិការជាមួយសភាប្រើបាសាបារាំង បានអញ្ជើញចូលរួមកិច្ចប្រជុំគណៈកម្មាធិការប្រតិបត្តិសភាប្រើភាសាបារាំង (APF) តាមប្រព័ន្ធនិម្មិត នៅសាលពិសេស២ នៃវិមានព្រឹទ្ធសភា ដើម្បីចែករំលែកព័ត៌មានឋមសម្រាប់កិច្ចប្រជុំគណៈកម្មាធិការប្រតិបត្តិAPF ដែលនឹងប្រព្រឹត្តទៅនៅចុងខែមករា ឆ្នាំ២០២៦ ក្រោមអធិបតីភាពលោក ហ៊ីឡារីយ៉ុង អេតុង (Hilarion ÉTONG) ប្រធាន APF។
របៀបវារៈអង្គប្រជុំ មានដូចខាងក្រោម៖
១-ការផ្លាស់ប្តូរមតិស្តីពីសកម្មភាពការងាររបស់APF នៅឆមាសទី២។
២-ការអនុវត្តថវិកាសម្រាប់ឆ្នាំ២០២៥ និងចក្ខុវិស័យថវិកាសម្រាប់ឆ្នាំ២០២៦។
៣-ការផ្សព្វផ្សាយនៃកិច្ចសហប្រតិបត្តិការ និងកម្មវិធីការទូតសភាសម្រាប់ឆ្នាំ២០២៦។
៤-ព័ត៌មានពាក់ព័ន្ធនឹងកិច្ចប្រជុំគណៈកម្មាធិការប្រតិបត្តិនៅទីក្រុងប៉ូដហ្គោរីកា (Podgorica)
៥-ការសរុបលទ្ធផលសន្និសីទថ្នាក់រដ្ឋមន្រ្តីហ្រ្វង់កូហ្វូនីលើកទី៤៦។
ខ្លឹមសារ៖ នាយកដ្ឋានកិច្ចការហ្រ្វង់កូហ្វូន
សម្រួលខ្លឹមសារ, រូបភាព៖ នាយកដ្ឋានព័ត៌មាន
